日前在地鐵站店鋪，見到三婆孫。婆婆見到店鋪特價，隨手執起一件貨，問孫仔要唔要。好明顯，任何細路通常都實話要。
媽媽：唔買了，無手拎。
婆婆：我拎啦
媽：落雨唔買了
婆繼續問孫要唔要，孫繼續話要，望望媽表達想要，又望婆婆呼應佢買。
糾纏幾分鐘，最後婆婆聽女兒話，無買。
糾纏幾分鐘，最後婆婆聽女兒話，無買。
好欣賞這位婆婆，雖然錫孫仔，好想買野俾佢，但最後都聽阿女講，無以阿婆身份堅持買。因為，媽媽買唔買野俾子女，背後好多諗法，在場未必想三言兩語，或在子女面前講到明。例如唔想佢太容易得到新玩具﹙物質主義﹚；又或深知佢根本買完三分鐘熱度，有人送就話好；唔想屋企咁多野，無位擺；想佢學習等待；查過覺得那些物料對細路有壞影響；件玩具帶俾佢概念誤差；唔想老人家浪費金錢；屋企有重覆的；想教佢環保.........
一件玩具、物品，送與不送，細心的媽媽真係會有好多考慮。成年人在小孩面前有統一口徑，對教仔會易好多。仔仔都能明白，別以為有長輩撐腰，就不用聽父母的話。
聽說外國人更直接，要送禮給其子女，親朋好友，都要先問過，除好或不好，甚至建議送禮的時間，配合父母教子策略。
