媽媽我好錫你

風：媽媽我好錫你
我：咁點解有時你激死我既？
風：我整蠱你啫嘛
我：咁我應該用咩心情對待？
風：……﹙唔出聲繼續報以甜絲絲笑容，左顧右盼咁﹚

風之禱文

其實自上幼稚園，她的禱文幾乎都是謝飯禱，連睡覺時都一樣。今晚祈禱時，她說唔準我祈，她祈。我說好，順便說爸爸生日，為他祈禱。結果就有以下好溫馨的禱文。

風：親愛的天父，爸爸明天生日，求你俾個蛋糕佢。今晚食咗紅豆糕做甜品，係咪紅豆糕？
我：紅棗糕
風：今晚食咗紅棗糕，我好開心。媽媽唔知點生人bb好，如果唔係就開刀，求你幫助。奉主耶穌名求，阿門。

然後我說我想為伊拉克人祈禱，佢哋地震，跟住佢又俾我祈了。

重要、需要

我：風風，回家後我要即刻拑飯掣。呢件係最重要既事。
風：點解要拑飯掣？
我：因為爸爸返來要食飯，所以拑飯掣好重要
風：拑飯掣唔重要呀，係需要。

每一天 （詩歌新譯）

每一天　所渡過的每一刻
我得著能力勝過試煉
我依靠天父周詳的供應　我不用再憂慮與掛念
祂慈愛極深厚無可測度    每一天都有美好安排
不論憂愁喜樂祂愛顯明　勞苦中祂賜安泰

每一天　上主與我相親近
每時刻額外賜下憐憫
我憂慮願主安慰與承擔　祂名為安慰者與權能
祂保護祂兒女和所珍愛　祂熱心必要成全這事
你日子如何力量也如何　聖經中祂賜寶貴應許

唔鍾意爸爸

一早起來，風風發表偉論。

風：媽媽，我好鍾意你，我唔鍾意爸爸。
我：點解你唔鍾意爸爸？
風：爸爸成日話好熱呀好熱呀，睇路呀睇路呀，佢唔鍾意我。
我：爸爸就係鍾意你先想保護你，你唔鍾意爸爸同爸爸唔鍾意你係口同喎。
風：爸爸唔鍾意我，爸爸鍾意你同我既媽媽。媽媽鍾意我。我鍾意媽媽，阿啤同cindy。cindy，阿啤同媽媽都鍾意我。

大家明唔明呢？

搵笨系列

早上爸爸在洗手間。風風刹有介事說有驚喜給爸爸。我問什麽來的，她就是不說。然後爸爸出來了，吃早餐。我說風有驚喜給你。他問風。風說：食完早餐先講。

到換衫趕時間出街了。我們要她換衫。她說未講驚喜。我們著她快些講，趕時間。

風從書櫃拿一本書出來，笑笑口。
風：呢個就係驚喜。你﹙爸爸﹚同我講呢本書😵😵😵😵😵
我們：趕時間，無驚喜。返來再講。