***好啦，我發現我間小學已經好好，有啲小一一嚟就7：50-12：30。小一！***
去年幼稚園，都係拍片半小時睇完，每條片長幾分鐘，都接受到，功課上堂hea住做就算，而且都係實體功課。但今年升小學，愈來愈近開學，收到上課時間表。小一至小四日上兩堂，每堂40分鐘，中間有小息。小五小六係8：15-3：40。中間有小息同飯鐘。每天用電腦交功課！
細個啲自己點識用？有工人長者湊都搞唔掂啦。有弟妹個啲例如我，係咪等於這段時間都要控制細佬唔搞事？又要芒住上堂的係咪無問題。家長組已經有雙職家長諗點錄影上堂，先勿論技術上俾唔俾，錄完回家點搵時間重睇？唔駛研究都預測到疫情下網上學習只會令學習差距擴大，雙職家長唔通辭職幫佢上堂！而且要開cam，學生要曝露自己家庭情況，心理質素會點呢？到時相對公平的考試評核制度只會更唔公平，考得叻的繼續叻，平時差開的更差。
暈低！短期就話啫，長期點搞？
其實一堂有幾多內容會重複，或用於秩序管理，問答互動？視像係咪可精簡內容，把時間縮短呢？完全唔明小一學咩要上咁耐堂。成日搞亂qaulity and quantity。兩者未必成正比喎。
