親愛的天父呢……

阿女一直都參與祈禱環節。通常我講講下，佢會加想講的野，如佢識的朋友仔，通常係街坊蔡氏一家。而佢又覺得自己講完唔得，一定要媽媽重覆佢講的野。有時我愉懶唔跟住講，「阿門」後阿女就會堅定地望住我（唔肯過我），直至我照佢講為止。

這周開始她彷彿明白自己講都有用，更樂意出聲。午飯晚飯可以自己講晒完整內容。「親愛天父呢，好多野食，（有時會數食物名字），求主潔淨，奉耶穌名求，阿門。」

第一次，爸爸講完，風搶住講，「天父呢…祝福風風身體健康（不停重覆）」。（爸媽只好忍住笑）

又一次，「親愛天父呢，……Amy ee 肚入面的BB （好似突然記起出咗世），出世、BoeyBB, Hannan, A Ming （數佢識的街坊名）」

今晚，又祈禱。「親愛的天父呢，風風瞓覺，媽媽瞓覺，風風冚被，媽媽冚被。爸爸係出面，Cindy出面…祝福呢…風風媽媽爸爸Cindy…風風瞓覺，媽媽瞓覺…（好似忽然語塞，狂忍住笑同佢埋尾。我話奉主耶穌名求），奉耶穌名求，阿門。」

澄清，我從來講「親愛的天父」，無「呢」字。自從有了你，真係明白為何耶穌咁愛小孩。嘩哈哈！