小老師

在家中崇拜，宣佈禮成去煮飯。風風走入廚房，說：仲有主耶穌既故事未講。於是我又和老公又坐回廳中。

風：安靜未？要安靜聽。主耶穌話，有好多人愛我哋。
我：﹙等了一會無下文﹚哦。跟住呢？
風：有啲人有屋，有啲人無屋。有啲人既屋俾火燒咗，就無屋。
我：跟住呢？
風：講完喇。
老公：係咪完喇？
風：未得，要叫名分組做野
我：要做咩？
風：分組做功課同傾計，我可以借本簿俾你畫畫
坐咗一陣無反應
風：宜家要收櫈。呢張﹙我坐緊﹚呢張﹙老公坐緊﹚都唔駛收。
老公：你嗰張駛唔駛收？
風：唔駛
我：咁收咩櫈？
風：所以無櫈要收。宜家叫名分組做野。
女仔一組，所以我同你﹙媽﹚一組。咁如果cindy同你一組，我咪無人同我一組，所以cindy同爸爸一組。