一天在油麻地見到送貨員把鐵車和n層的貨﹙車約一呎，然後放滿汽水碑酒那些貨，有一個人咁高﹚逐級逐級"登"落地鐵站。心諗，明明新加咗電梯呀，怎麽不用來送貨？
上到地面，仲有另一個送貨員。我終於多事講一句：對面馬路新開咗電梯喎。
他：地鐵好衰嫁，唔俾我地用。
即時想，地鐵太多客，所以不想搬貨者路過地底？不過，有誰會不走平的馬路運貨，刻意走落地底，不會為了一會兒的冷氣吧。除非，收貨者就是地鐵站內的舖頭！
既然地鐵租得舖位，它們就要收貨。但租舖者不會理搬貨員的辛勞，地鐵說不，租舖者也毫不在意。明明有科技，都要每天勞那些搬貨員？或許有人說，地鐵升降機也大排長龍。但明知長期送貨的工人的需要，真的沒有辦法解決？正常商用舖，都有分運貨接客電梯，地鐵的舖就可以大晒？
No comments:
Post a Comment