學會分享從小開始

日前，爸爸從酒店帶回幾盒聖誕禮物，因為其他同事無孩子。禮物到家，風風興奮地拆第一盒，是一堆party kit東東。我即時說，咁多份，點算好呢？還未說完，她便主動說送給其他小朋友，「我們都唔駛要咁多。」她的思路好清晰，我說就捐去柬埔寨小朋友時，她就問如何捐。

其實教會將有短宣隊去柬埔寨，收集玩具或文具。我已經執執執，﹙秘密地﹚送出大堆風風玩具﹙其實都可以慢慢和她解釋，但太懶﹚。她上幼稚園後，回家時間只餘下庶務﹙沖涼食飯瞓覺﹚，無咩時間玩家中玩具。家裏亦要騰出更多空間放弟弟物資。不過這次她親自提議，就覺得額外感恩和興奮。

既然我們都只是客旅，所有身外物都無須留留留，亦無須多多多。物質少，煩惱就少，家務都可減少。